Suliffeqarfiup ineriartortitseqqinnissamut pilersaarutai

2016-mi aggustusimi Arctic Prime Fisheries Qaqortumi Nanortalimmilu innuttaasunut ammasumik ataatsimiitsitsisarsimavoq. Ataatsimiitsitsinerni oqariartuutit apuunneqartut maanna piviusunngortinniarlugit suliniartoqarpoq. Suliffeqarfik nersualaarneqarlunilu isornartorsiorneqarpoq. Isornartorsiutillu taakkuupput suliassatsitut tigusimasavut. Tigussaassumik pitsanngorsaatissatut sulissutigineqartut ilamerngi makkuupput:


Sulissutit naleqquttut...

Sulinermut atatillugu atisat pisoqalisimasut nutaanik taarserneqarnissaat kissaatigineqarpoq. Tamanna sulissutigalugu maanna ingerlatsisoqarpoq, atortussallu - atisat, kummersuit assigisaallu ungasinngitsukkut taarserneqassapput. Ilanngullugu sulissutigineqartut ilagaat sulisut atisalersortarfiisa iluarsartuunneqarnissaat.

Sulissutit

Inissat amigaataapput...

Sulisut ilaasa inissaqarniarnikkut ajornartorsiuteqarneq misigisarsimavaat. Sulissutigineqartoq tassaavoq illoqarfinniit / nunaqarfinniit suliffissuarni sulilerumallutik nuuttartut qanoq inissaqarniarnikkut aaqqiissuteqarfigineqarsinnaanerat. Ukiup massumap naanissaata tungaanut tamanna misissorneqarpoq.

Sulinermut isumaqatigiissut

Isumaqatigiissut malillugu sulineq...

Suliffissuarni sulisut aalajaatsut atugarisaat pitsanngorsarniarlugit pilersaarusiortoqarpoq. Anguniarneqartoq tassaavoq akunnermusialerlugit sulinerat allanngortinneqassasoq. Taamaattumik isumaqatigiissut malillugu atorfinitsitsinissaq misissorneqarpoq, taamak iliornikkut assigiinngiiaartumik isertitaqartarneq anigorneqarniassammat.

Inissaqarniarneq


Nanortalimmi suliffissuup allileqqinneqarnissaa


Sulinermut isumaqatigiissut

Titartagaq 1: Nanortalimmi suliffissuaq - Europamut saarullinnik tarajortikkanik tunisassiorfik - allileqqinneqassasoq eqqarsaataavoq. Pilersaarutigineqarpoq illorsuaq, maanna atortunik toqqorsivittut atorneqarnerusoq, ingitseriarlugu nutaamik sanaartortoqassasoq.






Sulinermut isumaqatigiissut

Titartagaq 2: Nutaartassaq saneraaniit isigalugu.

Sulissutigineqartut allat ilaat

Suna Piffissaq killiffissiorfissaq
Nipisaat suaanik pisiortornissaq Aasaq 2017
Kujallermi aalisarnermik ineriartortitseqataaneq Aasaq 2018
Kangiani aalisarnermik ineriartortitseqataaneq Aasaq 2018