Arctic Prime Fisheries pitsassuarnik tunisassiortarpoq

Tunisassianik pitsaassunik nunat tunitsivigineqartartut amerlapput, saarullinnillu tarajortikkanik nioqquteqarfigisartakkavut pingaarnerit tassaapput Spania, Italia aamma Grækerit Nunaat.

Nunat taakku saniatigut pisisartut makkuupputtaaq: Canada, USA, Mexico, Peru, Chile, Panamá, Brasilia, Tuluit Nunaat, Franskit Nunaat, Portugali, Belgia, Pukkitsormiut, Sveisi, Malta, Cypern, Libanon, Angola, Qallunaat Nunaat, Norge, Noorliit Nunaat, Surinam, Morocco aamma Japan. Ataani ingerlatavut pillugit paasisaqarnerusinnaavutit.



Bacalao abierto - saarulliit tarajortikkat

Saarulliit tarajortikkat - Bacalao abierto - pisisussanut piareerlugit Nanortalimmi suliffissuarmi tunisassiarineqartarput. Ukiut kingulliit pingasut ingerlanerini tunisassiat taakku inerisarneqarsimapput, pingaartumik pitsaassusaat qulakkeerniarneqarsimalluni.

Bacalao abierto

Tamanna iluatsissimasutut oqaatigisariaqarpoq, tassami Spaniami assigisaanilu pisisartut nioqqutissiaq piumalluarpaat. Tarajortikkanik aalajaatsumik pitsaassunillu nioqqutissiornissaq annertuumik pingaartinneqarluni ingerlanneqarpoq.

Bacalao abierto

Saarulliit nerpii

Saarulliit nerpii qeritillugit Qaqortumi suliffissuarmi tunisassiarineqartarput. Taakku nunanut assigiinngitsorpassuarnut tunineqartarput, soorlu Polenimut assigisaanullu.

Nerpiit

Nerpiit tunisassiarineqarnerisa saniatigut siunissami pilersaarutaavoq suliffissuaq aamma allanut atorneqarnerulernissaa, soorlu ukiup qanoq ilinera apeqqutaatillugu assagissanik, suannik allanillu tunisassiorfittut.

Saarulliit nerpii

Tamannalu sumiiffimmi aalisartut suleqatigalugit piviusunngortinniarneqassaaq.

Allanik nioqqutissiorneq

Nanortalimmi Qaqortumilu suliffissuarnik ingerlatsinerup saniatigut aamma Kuummiuni suliffimmik ingerlatsisoqarpoq. Kuummiuni suliffik qaleralinnik tunitsivittut ingerlanneqarneruvoq, qerititallu 200 tonsit missaat inissaqartinneqarput. Qalerallit qeritinneqariarlutik periarfissaq takkukkaanngat avammut nassiunneqartarput.

Saarulliit nerpii

Qangali Kangiani aalisarnermik ineriartortitsinerunissaq nunatsinni eqqartorneqartuartarsimavoq, aamma Arctic Prime Fisheries suleqataanissaminut piareersimavoq. Arlaatigut ineriartortitsinissamut isumassarsisimaguit isumaqaruillu suleqataaffigisinnaagipput, taava attaveqarfigitigut.

Kalaallit Nunaanni tunisassiat